Тэмдэглэл-65

Эрэгтэй хүнийг арчаагүй байхад дургүй. Тиймболохоороо ч тэр үү эрэгтэй  дүүгээ ирээдүйд нэг бүсгүйн сайн хань, аав байлгахын тулд өөртөө зарцуулаагүй зүйлээ дүүдээ зарцуулдаг. Мэдээж аав минь бол дүүд минь   

үлгэр дуурайлал өгөх мундаг хүн биш ч эрэгтэй хүн ар гэрээ авч явах   

чадваргүй бол яаж эхнэр хүүхдээ зовоодгийг хангалттай үзүүлсэн хүн.   

Гэхдээ аавыгаа үзэн ядна гэж юу байхав,хайрладаг. Ээж минь л ийм хүнтэй сууж насаараа зовсон доо харамсдаг байх. Хайрлаж дурласандаа харамсах   

энэ сэтгэл бол эмэгтэй хүнийг хамгийн ихээр шархлуулдаг байх. Үр  хүүхдүүд нь сайн сайхан  

амьдарч байх нь л энэ шархыг нь эмнэдэг байх даа.Тийм болохоор ч тэр үү ээжийнхээ хүүхдүүдийгээ сайн сайхан яваасай гэсэн сэтгэлийг нь ойлгож   

байвч хүсэхгүй байгаа замаар минь явуулах гээд байгаа нь зөрчил үүсгэх   

юм даа.

Залхуу ажил хийх дургүй эхнэрээ зарчихаад олж ирсэн мөнгөөр нь идэж  уучихаад эхнэрээ хардаж зовоож ажил хийлгэдэггүй эрчүүд хаа сайгүй. Эсвэл олсон хэдээ эхнэр хүүхэддээ зарцуулахаа бодохгүй зугаа цэнгэлд  үрдэг нөхдүүд ч байна. Ажил хийх дургүй юмбол ядаж гэртээ хүүхдээ  хараад эхнэртээ оройн хоол хийгээд өгдөг ч болоосой гэж бодогдмоор  хүмүүс эргэн тойронд их байх юм. Эрчүүд нэг л сул дорой болоод байгаа юмшиг. Эсвэл бүсгүйчүүд нь мундаг болоод эрчүүд хажууд нь сулраад байгаа  юм шиг харагдаад байгаа юм болов уу. Гэр бүлээ тэжээж чадах хангалттай  мөнгө олж чаддаггүй юм аа гэхэд гэрийнх нь санхүүг зохицуулж байгаа  эхнэрээ хайрлаж халамжилж байх хэрэгтэй юм шиг. Гэхдээ тэгж чадахгүй 

байх шиг. Хаа сайгүй зовлон нэгтэй бүсгүйчүүд. Ярьдаг ганц сэдэв нөхөр. Нөхрөө яаж өөрчлөхөв, нөхрөө яаж тэгдэг болгох уу, нөхөр тэгээд үнэхээр  дарамттай байна гэсэн ижилхэн үгс. Ганц биеэр байгаа надад атаархсан  бөөн хүүхнүүд. 

Гээндээ ч бий гоондоо ч бий гэдэг шиг аль алинд нь их бага хэмжээгээр  асуудал байгаа л байх. Гэхдээ асуудлын дийлэнх нь эрчүүдээс болдог. 

Эмэгтэйчүүд гэр бүлээ нэгт тавьж өөрийн хүслээ 2-т тавьдаг бол эрчүүд өөрийн хүслээ 1-т тавьдаг. Эндээс л зөрчил, үл ойлголцол үүсдэг байх даа. Гэр бүлийн тогтвортой байдал, гэр бүлүүдийн ойлголцол нэг л хэврэг байх юм. Хүүхэд гэсэн зүйл дээр арай ядан тогтоод байх шиг.