Тэмдэглэл-15

-
Хүний хөгжилд хязгаар үгүй. Бид агаар дээр явж чаддаг болтлоо, өвчнөө өөрөө эдгээдэг болтлоо, дэлхий сөнөсөн ч амьдарч чадахаар болтлоо хөгжих хэрэгтэй. Гэхдээ дэлхий хэзээ нэгэн цагт сөнөнө гэдэгт би итгэдэггүй. Дэлхий үүсээгүй, устаж үгүй болох ч үгүй. Дэлхий зүгээр л хувьсч ирсэн. Дэлхийгээ дагаад ч бид бас хувьссан. Ирээдүйд ч дэлхий өөр болно, бид ч өөр болно. Хүмүүс бид нэг нэгнээ хайрлан хүндэтгэхгүй юм бол хэн биднийг хайрлах билээ. Энэ сансар огторгуйд биднээс өөр хэн ч байхгүй.
Гэмт хэргийн дотроос хамгийн жигшүүртэй нь хүний амь насыг бүрэлгэх. Энэ бол махан бие бодыг устгасандаа биш бүхэл бүтэн нэг амьдралыг үгүй хийж байгаа нь л жигшүүртэй. Энэнээс дор гэмт хэрэг бол хүний наймаа. Хүмүүс бид яаж хүнийг эд хөрөнгө, амьгүй бараа таваар мэт наймаалж болдог байнаа. Яаж хүмүүс бид нэг нэгнээ боочилж дарангуйлж чаддаг байнаа. Амьдралыг боочилж, наймаалж болдог гэжүү. Энэ гэмт хэргийг хийдэг хүмүүс бол хүн биш. Хүн биш учраас тэд амьд байх хэрэггүй.
Байгалийн аливаа үзэгдэл, гай гамшиг нь байгалийн цэвэрлэгээ юм. Байгалийн цэвэрлэгээ хэнийг ч ялгадаггүй. Тэр зөвхөн сайныг нь л үлдээдэг. 

Comments

Post a Comment

Popular posts from this blog

Энэ бол дурлал биш

-
Image
Цаг хугацаа ч үгүй ээ мөн хурдан өнгөрч байна шүү. Нэг л мэдэхэд орой, нэг л мэдэхэд өглөө. Өдөржин юу  хийгээд байгаагаа  мэдэхгүй байсаар байтал өнгөрчих юм. Унтахаар хэвтэхдээ би өнөөдөр юу хийлээ гээд санах гэхээр юу ч орж ирэхгүй юм. Юу ч бодоод, юу ч хийгээд байгаагаа мэдэхээ больтол  амьсгаа дээгүүр  гүйж байх шиг байна. 7-н сарыг дуустал гүрийчихвэл болмоор байгаа ч бас тэр үед санаснаар болох эсэхийг сайн мэдэхгүй л байна. Миний хувьд төгс дуу гэвэл Харанга-Энэ бол дурлал биш. Дуулалт, дууны үг, ая, клип гээд бүгд үнэхээр зохицсон. Энэ дууг жоохон байхдаа анх сонсоод л дуртай болж билээ. Дуртай болох хамгийн том шалтгаан нь клипэнд нь тоглодог эгч. Юм бичиж байгаа зураглал нь үнэхээр сайхан санагдаж билээ. Ер нь бүгдийг их сайхан тохируулж авсан юм шиг. Өрөөнд орж ирээд суудаг хэсэг, босоод алхдаг хэсэг. Үүнээс илүүгээр яаж байх билээ гэмээр. Дуундаа үнэхээр зохицсон. Хэрвээ өөрийгөө илэрхийлэх дууг сонго гэвэл би энэ дууг л сонгоно. Уучлаарай би хүн боло...
Read more

Баяртай хайрт минь

-
Хүлээлт. Хэн нэгэн хүнийг өөр дээр нь ирнэ, өөрийг нь хайрладаг гэж итгэн хүлээх. Үнэхээр ирж чадахгүй байсан юм бол анхнаасаа миний анхаарлыг татаж өөртөө сайн болгох хэрэггүй байсан юм. Зүгээр л хажуугаар минь тэр үед өнгөрсөн бол би өнөөдөр ингэж зовохгүй байлаа.  8 жил чамайг сэтгэлдээ тээж, санаж, зүүдэлж, уулзмаар санагдаж, тэвэрмээр, үнсмээр, хайртай гэдгээ хэлмээр байсан боловч эмэгтэй хүний бардам зандаа дийлэгдэн чиний төлөө би юу ч хийж чадаагүй. Чамайг намайг хайрладаг гэдэгт итгэж байсан болохоор зүгээр л уулзах өдрөө хүлээж байлаа. Энэ 8-н жилд хэнтэй ч болзолгүй, эрчүүдээс өөрийгөө тусгаарлаж ирсэн, угаасаа чи л биш бол өөр хэн нэгэн хэрэггүй байсан юм. Гэвч чамайг өөр бүсгүйтэй инээгээд жаргалтай байхыг харах- энэ яг л зүүд мэт. Би зүүднээсээ сэрж чадахгүй байгаа мэт зовлонтой байна. Чамайг өөр хэн нэгний дэргэд байхыг харах зүгээр л нулимс урсаад байна. Дахиад л чи намайг уйлуулчихлаа. Энэ өвдөлтийг үгээр илэрхийлэх аргагүй юм. Хүлээх хүлээлснээс мултарсан би. Э...
Read more

Тэмдэглэл-157

-
Image
Зүүдэндээ л амьдармаар. Зүүдэндээ л бодит ертөнцөөс илүү адал явдалтай, аз жаргалтай, хамаагүй эрх чөлөөтэй байх юм. Өглөө сэрэх болгондоо зүүд байсанд нь харамсавч орой унтах бүрийдээ юу зүүдлэх бол гэдэг нь сонирхолтой байх юм даа. Гэхдээ бодит ертөнц маань зүүдний ертөнцөөс минь илүү байсан бол ингэтлээ нойрмог байхгүйсэн. Саяхан Агуу Гэтсби-г үзлээ. Урьд нь яагаад ч юм бэ номыг унших киног нь үзэх сонирхол төрдөггүй байлаа. Номыг нь уншаагүй болоод ч тэр үү кино нь л лав дажгүй л санагдлаа. Leonardo их сайн тоглосон байна лээ. Өөрөөсөө илүү өөр хүнийг хайрлах нь ямар хүнд хэцүү вэ гэдгийг их сайн харуулсан юм шиг. Нэг талын иймэрхүү хайрыг ихэвчлэн эмэгтэйчүүд гаргадаг болохоор эрэгтэй хүний сэтгэлийг харах их сонирхолтой юм. Гэхдээ энэ бол зөвхөн уран зохиол дээр л байх зүйл л дээ. Бодит амьдрал дээр Гэтсби шиг  эрчүүд ховор байх. Хамтдаа байсан жижигхэн аз жаргалтай дурсамжаа бодон олон жил нэг л хүнийг чин сэтгэлээсээ хайрлаж, тэр хайртай хүнээ өөрийн болгохын ...
Read more