Тэмдэглэл-61

"Хүн бүрт хүлээс байдаг. Зарим нь хүлээсэндээ баригддаг бол зарим нь   хүлээснээсээ мултардаг" гээд TIGER-н рекламны үг гоё шүү.

Би өөрийнхөө хүлээснээсээ мултарч чадахгүй худлаа тийчэгнэхээс хэтрэхгүй л байна. Мултарахыг хүсч байна. Гэвч саад болж байгаа зүйл нь миний   тууштай биш, амархан шантарч бууж өгөх гээд байдаг зан.

Зарим чухал зүйл дээрээ өөрийгөө захирч удирдаж чадахгүй л байсаар...

Заримдаа "би" гэдэг зүйл энэ эмэгтэйн биед ороод амьдраад байгаа юм шиг сонин мэдрэмж төрдөг. Энэ"би" жинхэнэ "би" биш ч юм шиг. 

Хүний сэрэл мэдрэмжүүд үнэхээр олон янз байх юм.Ойлгомжгүй, бүрэн   илэрхийлэх ч үг олдохгүй юм.Өөрийгөө барьж байгаа энэ хяналтаа хаяад   бие болон оюун ухаанаа сул тавьчихвал "галзуу нэгэн" болох байх даа.  Ухаан нь самуурсан солиотой галзуурсан гэгдээд байгаа хүмүүс зүгээр л   өөрийн хяналтаа алдчихсан хүмүүс байх. Магадгүй өөрийгөө хянахаа  болчихвол нэг төрлийн хэзээ ч мэдэрч чадахгүй тиймэрх чөлөөг мэдрэх   байх даа. 

Тархи гэгддэг энэ эрхтэнд олон нууц агуулагдаж байх юмдаа. Судлаад л   байвч эцсийн дүгнэлтийг гаргаж чадахгүй л байсаар..

Энэ үед биш дээр үед амьдарч байсан бол сайхан ч юм шиг. Сонголт хийх   олон зүйлгүй хүчээр ч гэх юмуу сонгохоос өөр сонголт байхгүй дээр үед   амьдарч байсан бол хувь заяатайгаа эвлэрээд амар амьдрахгүй юу.Магадгүй тэгж амьдарсан л байх л даа. Одоо санахгүй байгаа болохоос биш. 

Цаг хугацаа нээрээ л хурдан юм даа. Хурдан том болохыг хүсдэг байсан   охиноос ийм том бүсгүй болчихсон байдаг. Нэг мэдэхэд хөгширчихсөн   залуудаа юу ч юм бичээд л байдаг байж дээ гэж бодох байх даа.Тэгээд л   нэг өдөр үхэх байх. Хамгийн амар үхэл бол миний бодлоор унтаж байхдаа  үхэх байх. Ингэж л үхэхийг хүсч байна. Нэг л өдөр дэргэд минь байгаа  хүмүүс байхгүй болно гэж бодохоор дотор нэг л сонин болчих юм. Тийм үе ирэхэд учиргүй их шанална эсвэл зүгээр л юу ч болоогүй юм шиг хүлээж   авах байх.