Тэмдэглэл-4

-
Хайр бол өөрийн гэсэн амттай. Тэр амтаар бид хайрыг хүлээж авдаг. Гэхдээ тэр амтыг хэрхэн хүлээн авах нь бидний оюун ухаан, сэтгэлээс хамаарна. Хайрыг хүмүүс олон төрөл байдаг гэж үздэг. Гэр бүлийн хайр, найз нөхдийн хайр, амраг хосын хайр гээд л .. Миний бодлоор хайр нэг л байдаг. Харин бид хайраа олон зүйлд хуваадаг. Өөрийнхөө хайрын нэг хэсгийг найз нөхөддөө, бас нэг хэсгийг нь гэр бүлдээ, хайртай амьтандаа, өөрийн дуртай зүйлдээ, мөн сэтгэлийг чин булаасан нэгэнд гээд л олон зүйлд хуваадаг. Хайр бол гэдэг хүний хамгийн агуу нандин зүйл билээ. Хүнийг хүн гэж үзэх ганц зүйл хайр шүү дээ. Ийм агуу үнэтэй зүйлээ бусадтай харамгүй хуваалцдаг болохоор хүмүүс бид үнэхээр өгөөмөр өглөгч юм шүү дээ. Гэхдээ хайрын хэмжээ нь юунд яаж хуваагдахаас хамаараад хүн тус бүрд харилцан ижилгүй байдаг. Жишээ нь хайрыг 100% гэвэл
Гэр бүл-30%
Хайртай амьтан, нутаг ус, эх орон-20%
Найз нөхөд-25%
Дур сонирхол-10%
Дурлал хайр-15% гэх мэт янз бүр байж болно. Ихэнхидээ хүмүүс бид хайрын ихэнх хувийг амраг хосын хайранд өгдөг байх. Харин бид мэдэхгүй таниагүй зүйлсээ хайрладаггүй. Бид танидаггүй хүмүүсээ хайрладаггүй. Гэхдээ хайрлахгүй байж болно л доо . Гол нь хүндлэх л хэрэгтэй. Чиний хайр хүрэлцэхгүй байгаа хэсгийг зүгээр л хүндэлж байх хэрэгтэй. Юм бүхнийг заавал хайрлах албагүй шүү дээ. Хайр гэдэг хязгааргүй ч өөрийн гэсэн хэмжээтэй байдаг. Хайр, хүндлэх сэтгэл хоёрыг хэзээ ч хольж болохгүй. Өнгөц харахад ижил мэт боловч үнэндээ хоёр өөр зүйл. Би энд нэг зүйлийг дутуу орхигдуулсан байна. Хайраас хэзээ ч салгаж болохгүй хайрын оршин тогтнохын үндэс бол тухайн хүний үнэт зүйл юм. Гэр бүлээ үнэт зүйл гэж боддоггүй бол чи хайрлаж чадахгүй. Энэ үнэт зүйл бол мэдээж материаллаг эд зүйлс биш юм. Материаллаг эд зүйлсийг хүмүүс бид өөрсдөө хийдэг. Тэд бол хэрэглээ болохоос биш үнэт зүйл биш. Материаллаг зүйлс бол биднийг ая тухтай амьдарахад туслах бидний хийж бүтээсэн зүйлс билээ. Дуртай цагтаа дураа хүрвэл устгачихаж болно. Тэгээд дараа нь харамсаж өөрийгөө зэмлэдэггүй шүүдээ. Харин үнэт зүйл бол өөр. Бид үнэт зүйлээ өөрсдөө олдог ч дуртай цагтаа дураа хүрэхээр устгаж болохгүй. Үнэт зүйлсээсээ татгалзвал дараа нь бид хичнээн их харамсаж, шаналж зовж, өөрсдийгөө буруутгадаг билээ. Хайр, үнэт зүйл хоёр бол салшгүй юм. Бид өөрсөдөд минь үнэтэй зүйлээ хайрладаг.

Comments

Post a Comment

Popular posts from this blog

Энэ бол дурлал биш

-
Image
Цаг хугацаа ч үгүй ээ мөн хурдан өнгөрч байна шүү. Нэг л мэдэхэд орой, нэг л мэдэхэд өглөө. Өдөржин юу  хийгээд байгаагаа  мэдэхгүй байсаар байтал өнгөрчих юм. Унтахаар хэвтэхдээ би өнөөдөр юу хийлээ гээд санах гэхээр юу ч орж ирэхгүй юм. Юу ч бодоод, юу ч хийгээд байгаагаа мэдэхээ больтол  амьсгаа дээгүүр  гүйж байх шиг байна. 7-н сарыг дуустал гүрийчихвэл болмоор байгаа ч бас тэр үед санаснаар болох эсэхийг сайн мэдэхгүй л байна. Миний хувьд төгс дуу гэвэл Харанга-Энэ бол дурлал биш. Дуулалт, дууны үг, ая, клип гээд бүгд үнэхээр зохицсон. Энэ дууг жоохон байхдаа анх сонсоод л дуртай болж билээ. Дуртай болох хамгийн том шалтгаан нь клипэнд нь тоглодог эгч. Юм бичиж байгаа зураглал нь үнэхээр сайхан санагдаж билээ. Ер нь бүгдийг их сайхан тохируулж авсан юм шиг. Өрөөнд орж ирээд суудаг хэсэг, босоод алхдаг хэсэг. Үүнээс илүүгээр яаж байх билээ гэмээр. Дуундаа үнэхээр зохицсон. Хэрвээ өөрийгөө илэрхийлэх дууг сонго гэвэл би энэ дууг л сонгоно. Уучлаарай би хүн боло...
Read more

Баяртай хайрт минь

-
Хүлээлт. Хэн нэгэн хүнийг өөр дээр нь ирнэ, өөрийг нь хайрладаг гэж итгэн хүлээх. Үнэхээр ирж чадахгүй байсан юм бол анхнаасаа миний анхаарлыг татаж өөртөө сайн болгох хэрэггүй байсан юм. Зүгээр л хажуугаар минь тэр үед өнгөрсөн бол би өнөөдөр ингэж зовохгүй байлаа.  8 жил чамайг сэтгэлдээ тээж, санаж, зүүдэлж, уулзмаар санагдаж, тэвэрмээр, үнсмээр, хайртай гэдгээ хэлмээр байсан боловч эмэгтэй хүний бардам зандаа дийлэгдэн чиний төлөө би юу ч хийж чадаагүй. Чамайг намайг хайрладаг гэдэгт итгэж байсан болохоор зүгээр л уулзах өдрөө хүлээж байлаа. Энэ 8-н жилд хэнтэй ч болзолгүй, эрчүүдээс өөрийгөө тусгаарлаж ирсэн, угаасаа чи л биш бол өөр хэн нэгэн хэрэггүй байсан юм. Гэвч чамайг өөр бүсгүйтэй инээгээд жаргалтай байхыг харах- энэ яг л зүүд мэт. Би зүүднээсээ сэрж чадахгүй байгаа мэт зовлонтой байна. Чамайг өөр хэн нэгний дэргэд байхыг харах зүгээр л нулимс урсаад байна. Дахиад л чи намайг уйлуулчихлаа. Энэ өвдөлтийг үгээр илэрхийлэх аргагүй юм. Хүлээх хүлээлснээс мултарсан би. Э...
Read more

Тэмдэглэл-157

-
Image
Зүүдэндээ л амьдармаар. Зүүдэндээ л бодит ертөнцөөс илүү адал явдалтай, аз жаргалтай, хамаагүй эрх чөлөөтэй байх юм. Өглөө сэрэх болгондоо зүүд байсанд нь харамсавч орой унтах бүрийдээ юу зүүдлэх бол гэдэг нь сонирхолтой байх юм даа. Гэхдээ бодит ертөнц маань зүүдний ертөнцөөс минь илүү байсан бол ингэтлээ нойрмог байхгүйсэн. Саяхан Агуу Гэтсби-г үзлээ. Урьд нь яагаад ч юм бэ номыг унших киног нь үзэх сонирхол төрдөггүй байлаа. Номыг нь уншаагүй болоод ч тэр үү кино нь л лав дажгүй л санагдлаа. Leonardo их сайн тоглосон байна лээ. Өөрөөсөө илүү өөр хүнийг хайрлах нь ямар хүнд хэцүү вэ гэдгийг их сайн харуулсан юм шиг. Нэг талын иймэрхүү хайрыг ихэвчлэн эмэгтэйчүүд гаргадаг болохоор эрэгтэй хүний сэтгэлийг харах их сонирхолтой юм. Гэхдээ энэ бол зөвхөн уран зохиол дээр л байх зүйл л дээ. Бодит амьдрал дээр Гэтсби шиг  эрчүүд ховор байх. Хамтдаа байсан жижигхэн аз жаргалтай дурсамжаа бодон олон жил нэг л хүнийг чин сэтгэлээсээ хайрлаж, тэр хайртай хүнээ өөрийн болгохын ...
Read more