Тэмдэглэл-44

-
Мөнгө гэдэг нээрээ үе үеийн үед хүчтэй байх юм. Мөнгөнөөс болж эхнэр нөхөр, ах дүү, анд нөхөд хүртэл хоорондоо муудалцана. Хамтдаа байсан сайхан дурсамжууд нь мөнгөнөөс болоод үгүй болно. Би тийм харамч хүн биш л дээ. Гэхдээ мөнгөнд бол харам байдаг. Ер нь бол хүнд мөнгө зээлэх дургүй. Өөрөө ч зээлэхийг бас боддоггүй. Мөнгөнөөс болж муудалцаад дахиж нэг нэгнээ харах аргагүй болсон олон хүмүүсийг мэднэ. Тиймээс мөнгөний талаарх хэрүүл маргаанаас хол байхыг хичээдэг. Гэвч хүмүүсийн дунд амьдарч байгаагаас хойш мөнгөнд дарамтлуулж амьдарч байна даа. Энэ дарамтнаас гарах гэж хичээх гэхээр эргэн тойрны хүмүүс минь гаргахгүй юм. Ялангуяа ээж минь. Заримдаа би ээжид охин хүүхэд биш эрэгтэй хүүхэд шиг харагддаг юм болов уу гэж гайхах юм. Бүхнийг миний нуруун дээр овоолчих юм. Өөрөө насаараа амьдралаа нуруун дээрээ үүрч ирсэн болохоор одоо намайг үүр гээд байгаа ч юм шиг. Би ээж шигээ бүгдийг өөр дээрээ овоолж амьдармааргүй байна. Өөрийнхөө хийх ёстойг хийгээд бусад нь ч гэсэн өөрийн хийх ёстойг хийнэ. Ингэж хийхээр аавыгаа дуурайсан хувиа хичээсэн муухай зантай гэх юм. Ээж бид хоёр хэзээ ч ойлголцохгүй байх аа. Үнэхээр гал ус хоёр шиг. Урд насны үйлийн үр юм болов уу. Цаанаа намайг хайрласан хайр байгаа гэдгийг мэдрээд байвч ерөөсөө л болохгүй юм.Заримдаа баян айлын хүүхэд болоод төрөх минь ч яалаа гэж бодохын. Эцэг эх минь намайг хайрлахгүй байсан ч хамаагүй баян айлын хүүхэд байсан бол хүссэнээ хийгээд сайхан байхгүй юу ч гэж бодохын. Энэ гэрт намайг тогтоон барьж байгаа ганц хүн бол миний хамгийн хайртай дүү минь. Дүү минь байгааүй бол би альхэдийн явчихсан байх. Бас аав ээжтэйгээ байх хоногийн тоо цөөрсөөр л байгаа. Нэгмэдэхэд тэр хоёргүйгээр амьдрах болно. Ингэж бодохоор амьд сэрүүн байхад нь өдөр бүр дэргэд нь байж байвал хожим харамсахгүй юм шиг санагдах юм. Гэр бүл байна гэдэг заримдаа үнэхээр хэцүү ч хэцүү байна гээд хаяж орхиж болох зүйл биш болохоор тэвчээд л байхаас өөр арга байхгүй юм.
Эхийн санаа үрд
Үрийн санаа ууланд гэдэг дээ. Энэ чинь хорвоогийн жам шүүдээ. Бүх хүмүүс л энэ жамыг дагана. Зарим хүмүүс 
Эхийн санаа үрд
Үрийн санаа эхд гэж өөрчлөх гээд байх юм. Зүгээр л хорвоогийн жамыг тайвнаар хүлээж аваад түүнд гомдоллохгүй байж чадвал үнэхээр амар амгалан тайван байна шүүдээ. Гэвч тэгж чадахгүй юмдаа эцэг эхчүүд. 

Comments

Post a Comment

Popular posts from this blog

Энэ бол дурлал биш

-
Image
Цаг хугацаа ч үгүй ээ мөн хурдан өнгөрч байна шүү. Нэг л мэдэхэд орой, нэг л мэдэхэд өглөө. Өдөржин юу  хийгээд байгаагаа  мэдэхгүй байсаар байтал өнгөрчих юм. Унтахаар хэвтэхдээ би өнөөдөр юу хийлээ гээд санах гэхээр юу ч орж ирэхгүй юм. Юу ч бодоод, юу ч хийгээд байгаагаа мэдэхээ больтол  амьсгаа дээгүүр  гүйж байх шиг байна. 7-н сарыг дуустал гүрийчихвэл болмоор байгаа ч бас тэр үед санаснаар болох эсэхийг сайн мэдэхгүй л байна. Миний хувьд төгс дуу гэвэл Харанга-Энэ бол дурлал биш. Дуулалт, дууны үг, ая, клип гээд бүгд үнэхээр зохицсон. Энэ дууг жоохон байхдаа анх сонсоод л дуртай болж билээ. Дуртай болох хамгийн том шалтгаан нь клипэнд нь тоглодог эгч. Юм бичиж байгаа зураглал нь үнэхээр сайхан санагдаж билээ. Ер нь бүгдийг их сайхан тохируулж авсан юм шиг. Өрөөнд орж ирээд суудаг хэсэг, босоод алхдаг хэсэг. Үүнээс илүүгээр яаж байх билээ гэмээр. Дуундаа үнэхээр зохицсон. Хэрвээ өөрийгөө илэрхийлэх дууг сонго гэвэл би энэ дууг л сонгоно. Уучлаарай би хүн боло...
Read more

Баяртай хайрт минь

-
Хүлээлт. Хэн нэгэн хүнийг өөр дээр нь ирнэ, өөрийг нь хайрладаг гэж итгэн хүлээх. Үнэхээр ирж чадахгүй байсан юм бол анхнаасаа миний анхаарлыг татаж өөртөө сайн болгох хэрэггүй байсан юм. Зүгээр л хажуугаар минь тэр үед өнгөрсөн бол би өнөөдөр ингэж зовохгүй байлаа.  8 жил чамайг сэтгэлдээ тээж, санаж, зүүдэлж, уулзмаар санагдаж, тэвэрмээр, үнсмээр, хайртай гэдгээ хэлмээр байсан боловч эмэгтэй хүний бардам зандаа дийлэгдэн чиний төлөө би юу ч хийж чадаагүй. Чамайг намайг хайрладаг гэдэгт итгэж байсан болохоор зүгээр л уулзах өдрөө хүлээж байлаа. Энэ 8-н жилд хэнтэй ч болзолгүй, эрчүүдээс өөрийгөө тусгаарлаж ирсэн, угаасаа чи л биш бол өөр хэн нэгэн хэрэггүй байсан юм. Гэвч чамайг өөр бүсгүйтэй инээгээд жаргалтай байхыг харах- энэ яг л зүүд мэт. Би зүүднээсээ сэрж чадахгүй байгаа мэт зовлонтой байна. Чамайг өөр хэн нэгний дэргэд байхыг харах зүгээр л нулимс урсаад байна. Дахиад л чи намайг уйлуулчихлаа. Энэ өвдөлтийг үгээр илэрхийлэх аргагүй юм. Хүлээх хүлээлснээс мултарсан би. Э...
Read more

Тэмдэглэл-157

-
Image
Зүүдэндээ л амьдармаар. Зүүдэндээ л бодит ертөнцөөс илүү адал явдалтай, аз жаргалтай, хамаагүй эрх чөлөөтэй байх юм. Өглөө сэрэх болгондоо зүүд байсанд нь харамсавч орой унтах бүрийдээ юу зүүдлэх бол гэдэг нь сонирхолтой байх юм даа. Гэхдээ бодит ертөнц маань зүүдний ертөнцөөс минь илүү байсан бол ингэтлээ нойрмог байхгүйсэн. Саяхан Агуу Гэтсби-г үзлээ. Урьд нь яагаад ч юм бэ номыг унших киног нь үзэх сонирхол төрдөггүй байлаа. Номыг нь уншаагүй болоод ч тэр үү кино нь л лав дажгүй л санагдлаа. Leonardo их сайн тоглосон байна лээ. Өөрөөсөө илүү өөр хүнийг хайрлах нь ямар хүнд хэцүү вэ гэдгийг их сайн харуулсан юм шиг. Нэг талын иймэрхүү хайрыг ихэвчлэн эмэгтэйчүүд гаргадаг болохоор эрэгтэй хүний сэтгэлийг харах их сонирхолтой юм. Гэхдээ энэ бол зөвхөн уран зохиол дээр л байх зүйл л дээ. Бодит амьдрал дээр Гэтсби шиг  эрчүүд ховор байх. Хамтдаа байсан жижигхэн аз жаргалтай дурсамжаа бодон олон жил нэг л хүнийг чин сэтгэлээсээ хайрлаж, тэр хайртай хүнээ өөрийн болгохын ...
Read more