Би чамд хайртай. Маш их хайртай. Үргэлж чамайг хайрлах болноо.

3 өдрийн дараа шинэ он гарлаа. Цаг хугацаа ч гүй ээ мөн хурдан юмдаа. 2015 он миний хувьд сайн ч зүйл үгүй, муу ч зүйл үгүй болж өнгөрлөө. Жилийн жилд л би гэдэг хүн доорхи онигоо шиг өөртөө биелүүлж байгаагүй зорилт зорилго энэ тэр лаг дэвшүүлдэг байж билээ.   Шинэ оны зорилтууд: 2013: Энэ жил ядаж 10 ном уншина аа! 2014: Ядаж 5 ном уншъя! 2015: Ядаж 1 ном уншина аа! 2016: Ноднин эхлэсэн номоо дуусгана аа! 2013: 90кг хүртэл турна 2014: 95кг хүрч болохгүй 2015: Дандаа эрүүл хооллоно 2016: 100кг хүрэхгүй байх дэглэм барина 2013: Дэмий юманд дахиж мөнгө үрэхгүй 2014: Зээлээ дарна аа 2015: Зээлүүдээ цөөлнө өө 2016: 2020 он гэхэд өргүй болчих юмсан 2012: Би Чимгээд халамжтай хань болно 2014: Би Чимгээгээс салахгүй ээ 2015: Чимгээтэй эвлэрнэ ээ 2016: Би Туяад халамжтай хань болно оо 2013: Би өөр хүүхэн өдахгүй 2014: Дахиж Туяатай уулзаж эхнэрээ хуурахгүй 2015: Би Туяатай суухгүй ээ 2016: Би өөр хүүхэн өдөж Туяаг хуурахгүй  ‪ Одоо бол янз бүрийн биелүүлэхг...

Хүн ер нь заавал биелүүлэхийг хүссэн хүсэл мөрөөдөлтэй байх ёстой юм гэж үү. Байхгүй бол яах вэ. Би л гэхэд чин сэтгэлээсээ хүсч байгаа холын том мөрөөдөл зорилго бол алга. Харин зүгээр л жижиг жижиг зорилгууд бол байна. Заавал тийм зорилготой байж тэрийгээ биелүүлж байж амьдарсан юм шиг санагдах ёстой юм гэж үү. Зүгээр л тухайн цаг үе нөхцөл байдалдаа тохируулаад амьдраад байж болохгүй гэж үү. Сайн ээж, сайн эхнэр болоод улсынхаа хувьд сайн иргэн, найзынхаа хувьд сайн найз, хүнийхээ хувьд сайн хүн байгаад амьдарч болно биз дээ. Заавал ямар нэгэн томоохон гавьяа зүтгэл байгуулах, бүтээх шаардлагагүй биздээ. Заавал алдартай хүн болох, баян хүн болох, бизнесмэн болох, дарга захирал болох алба байхгүй шүү дээ. Тэгж амьдраагүй гээд амьдрал маань уйтгартай хийсэн бүтээсэн зүйлгүй харамсалтай амьдарсан болох гэж үү. Хүн бүрт байдаг хүсэл надад байхгүй байлаа гээд би өөртөө гутраад өөрийгөө ойлгохгүй шаналаад байх хэрэггүй зүйл гэдгийг ойлгосон. Бид бүгдээрээ л нэг нэгэнтэйгээ адилхан бас нэг...

Би өөрт байгаа өөрийнхөө сайн чанаруудыг давуу талуудаа өөртөө болон бусдад хэлэх дуртай. Өөрийгөө хэт дөвийлгөн худлаа магтахаас энэ бол өөр л дөө. Хүн чинь их мартамхай шүү дээ. Өөрийнхөө сайн сайхан зүйлийг өөртөө ч бусдад ч сануулж байхгүй бол нэгмэдэхэд мартчихсан дараа нь өөрийгөө хичнээн өөрчлөгдсөнөө их гайхдаг шүүдээ. Юунаас болоод яагаад би ингэтлээ өөрчлөгдчихвөө гээд л... Зүгээр л хааяа хааяадаа өөртөө сануулж байвал бага ч гэсэн өөртөө итгэлтэй байна. Бусдад ч гэсэн сануулж байвал хүмүүс өөрт минь итгэж найдаж амьдрана шүү дээ. Бас өөрчлөгдөөд эхэлвэл сануулж хэлнэ. Сайн сайхан зан чанаруудаа хадгалж өөрийнхөө амьдралын чиг шугамаас нээх их хол зөрчихгүй амьдрах чинь л дараа нь харамсах сэтгэл төрүүлэхгүй байх. Өөрийнхөө сайн чанарыг зуршлыг бусдад хэлдэг хүмүүсийг  өөрийгөө магтлаа гэж буруушааж хүлээн авдаг хүмүүсийг ойлгодоггүй. Гэхдээ бас худлаа тэгж ярьдаг хүмүүс байдаг л даа. Нэг л сайн сайхан хүн юм шиг байвч нидэр дээрээ үнэхээр өөр хүн байдаг тохиолдол ч их. ...

Хүний оюун ухаан гэж их нууцлаг зүйл байх юмаа. Бид эзэмшдэг хэрнээ нууцыг нь судлаад дуусахгүй юм. 13 настай байсан байхаа. Тэр үед Христийн цуглаан дээр хүүхдүүдэд чихэр бохь тарааж өгдөг байлаа. Нэг удаа байрныхаа найзтай хоёулаа гэрийнхээ хойно байдаг Христийн сүмд очлоо. Сүмийн пастор нь тэгэхэд Есүсийг дуудаад л уйлж орилоод л эзэн надад тэгж хэллээ ч гэлүү нэг тиймэрхүү зүйл болсон юм. Тэр үед надад Есүс гэгчийг нь харах хүсэл маш их төрж билээ. Гэртээ ирээд л хүн саад болохгүй байх гэж бодоод л балкон дээрээ гарч байгаад л бүх анхаарлаа 100% огтхон ч сарниулалгүй төвлөрүүлж байгаад л Есүсийг харах хүсэлдээ бүх анхаарлаа хандуулсан юм. Хэсэг хугацааны дараа нүдэнд минь  их гэрэл  харагдаад л, маш дулаанхан урсгал биеийг минь бүчин авах нь мэдрэгдээд л за одоо л харах нь дээ гэж бодсон боловч манай хоёр дүү намайг цочоосноос болоод бүтээгүй юм даа. Дараа нь хэд хэд оролдсон боловч яг л тэр үеийнх шиг төвлөрч чадаагүй юм. Одоо ч гэсэн яг л тэр үе шиг төвлөрч үзэхийг хүсд...

Хүүхэд насны сайхан гэгээлэг гоё дурсамж гэвэл 5, 6-тай байсан үе минь л юм шиг байна. Би чинь бас хөөрхөн наймааны одтой хүн шүү. Ер нь бол аавынхаа гадна дүр төрх, ааш зангийн нь илүү дуурайсан. Ямартаа л аав ээж хоёрыг салж байхад би аавтайгаа үлдэнэ гэж хэлээд ээждээ их загнуулж билээ. Манай аав уул нь наймаа хийхдээ мундаг байлаа. Намайг 5, 6-тай байхад 90-иэд оны ганзагын наймаачидын нэг байсан юм. Тухайн үедээ л бусад хүүхдүүдийн тоглодоггүй тоглоомоор тоглож, төрөл бүрийн гоё чихэр шоколад иддэг, гоё хувцаснууд өмсдөг охин байлаа. Манай ээж чин тэр хавийнхаа хамгийн ганган хүүхнүүдийн нэг байгаад л манай гэрээс аав ээжийн найз нөхөд ах дүү гэсэн хүмүүс салдаггүй байсан юмдаг. Гэвч архинд аав минь орж бүх мөнгөөрөө уугаад 10 хэдэн хоногоор алга болчихдог болсон юм. Сүүлдээ манайх гэдэг айл юу юучгүй хоцорсон юмдаа. Нөгөө саймшраад байсан найз нөхөд ах дүү бүгд л алга болцгоосон. Орох орон ч байхгүй айл айлын хаяа дэрлэж явсан цаг үе минь эхэлсэн юмдаа. Багаасаа л жижиг жижиг хөө...

Үнэхээр аймшигтай. Байгууллагын шинэ жил болох гээд л ажлын хүүхнүүд 1, 2 кг хасчих гээд л хичээж байхад би 2 кг-р нэмчихсэн байх юм. Нэг л юм дутагдаад сэтгэл санаа гаднаа тогтвортой байгаа ч дотроо бол үгүй бололтой. Муу ёртой юм шиг л юм идмээр санагдаад байхын. Дарах гэхээр л улам л нэмэгдээд дээрээс нь анхаарлаа өөр юманд сатааруулж чадахгүй байгаа болохоор өөрийн эрхгүй дэлгүүр лүү гүйгээстэй. Нээх гоё тийм оргилсон эрч хүч өгөх, өөрийн эрхгүй өөрчлөгдмөөр санагдуулах тийм зүйл алга.  Өчигдөр өглөө ажил руугаа ирж явах замд fm-ээр хүмүүсийн СЭТГЭЛ ХАНГАЛУУН БАЙДАЛ-ын тухай ярьж байна. Манай улсад чинь энэ талаар хийсэн судалгаа гэж байдаггүй юм байна ш дээ. Байлаа ч ихэнх нь л сэтгэл хангалуун биш гэж хариулсан байх байхдаа. Би ч гэсэн надаас энэ асуултыг асуувал үгүй гэж хэлэх ч нилээн бодохоор бас тийм ч гэмээр юмуу ер нь эргэлзээтэй байна. Мэдээж амьдарч байгаа нийгэм, орчин, одоогийн өөрийн амьдралаа харах юм бол үгүй гэж хэлэхээр байгаа боловчиг миний энэ амьдралыг мө...

Өөрийгөө одоо хамгаалж чаддаг болсон гэж би боддог. Урьд нь өөрөөсөө ахмад хүмүүсийг хүндлээд ямар ч асуудлаар над руу дайрч давшилахыг нь үг дуугүй сонсдог байлаа. Үг хэлмээр байдаг боловч надаас ахмад хүн шүүдээ гэж бодоод л тэвчдэг байлаа. Дараа нь түүнээсээ болоод их стрессддэнэ. Гэхдээ одоо бол хэн ч над руу дайрч давшилахад шууд л хэлье гэснээ хэлчихдэг болсон. Угаасаа хүмүүстэй муудалцах дургүй. Хэрэлдэж ч чадахгүй. Хэлдэг хараалын үг гэвэл мангар, тэнэг хоёр л байх. Зүгээр л уурлаж бухимдахгүйгээр соёлтойгоор боловсон зангаар өөрийг нь бага зэрэг ичмээр байдалд оруулж сурсан байна. Ичсэн хүн жоохон бантана. Бантаж байх тэр үед нь сайхан үг хэлээд тайвшруулаад үүсээд байгаа асуудлыг зохицуулана. Зүгээр л сөргөлдөөнөөр биш тайвнаар асуудлыг зохицуулна. Энэ аргыг урьдны захирлаасаа сурч байлаа. Алтны дэргэдэх гууль шарлана гэгчээр мундаг захирлаасаа их зүйл сурсан. Манай захирал ер нь амны фигур сайтай хүн байсан юм. Төвөгтэй асуудал захирал дээр очлоо. Шийдэгдлээ. Ямар ч өндөр те...

12-р сарыг дуустал сайхан завтай байх нь ээ. Энэ хугацаандаа юу хийх үү. За ямар ч л байсан үзнэ гээд бодчихсон байсан хэдэн кинонуудаа үзнэ. Нэг уншаад сайн ойлгоогүй байгаа нэг номоо дахиж уншина. Англи хэл, солонгос хэлээ эргүүлж нэг харна. 2016 онд биелүүлэх  төлөвлөгөө гаргана. Энэ удаа сайн бодож байгаад өөрийнхөө нөөц боломжинд тулгуурлаж байгаад сансрын биш илүү бодит байдалд нийцсэн зорилгууд бичнээ. Гоолингоо.mn гээд эмэгтэйчүүдэд зориулсан сайтыг унших их дуртай. Дургүй эмэгтэй хүн ч гэж байхгүй байх. Анх "хөөрхөн" гээд блог байхаас нь л уншдаг байсан. Өдөр бүр орж үздэг хэдэн сайтын минь нэг. Дандаа гоё гоё урам ухаарал өгсөн нийтлэл бичдэг шүү. Олон сайхан нийтлэл дундаас нь 2 нийтлэл л бүр мартагдахгүй санагдсаар байдаг. "Урьдчилж бэлд" гэсэн нийтлэл нь их сайхан. Ер нь ажил дээр бол урьдчилж бэлдэх зарчмыг сайн хэрэгжүүлдэг шүү. За аягүй бол энэ хэрэг болно гэж бодоод л тэр тухай судлаад эсвэл тооцоод бэлдээд тавьчихсан байхад дараа заавал хэрэг болд...

Маш нялуун, эрх, эмзэг хүн байх хайр дурлалын тал дээр хэцүү юмаа. Дандаа л нэг тийм хөндий хүмүүстэй учрах юм. Тэгээд эрхэлж нялуурахыг дотроо хүсэвч эрэгтэйчүүд нь тийм зүйлд дургүй  болохоор биеэ барьсаар сүүлдээ сэтгэл татагдахаа больчих юм. Уул нь 2015 оны ордны зурхайгаар бол бараг л заяаны ханьтайгаа учирна гэсэн байсан нь миний хувьд худлаа байноо. Одоо ганцхан сар л үлдэж. Уг нь саяхан нэг залуутай танилцсан боловч бас л ялгаагүй хөндий хүн юм. Өдөр бүр уулзаж хамт баймаар байвч бага багаар хоёулаа явъя гэх юм. Эмэгтэй хүний бардам бас хөдлөөд үгүй гэж чадсангүй. Сэтгэлээ бас л ойлгуулж чадсангүй. Энэ байдлаараа байвал би түүнд татагдахгүй улам л хөндийрнө гэдгийг мэдэхгүй байгаа нь харамсалтай. Миний сэтгэл хөрсөн хойно надад сайн гээд яг л урьдын зүйлс давтагдах гээд байх юм. Эрчүүд нэг тийм хөндий байвал эмэгтэйчүүд өөрт нь улам сайн болно гэж боддог юм болов уу. Залуу байхад ч тиймэрхүү залуус таалагддаг  байсан л даа. Одоо бол үгүй юм шиг байна. Харин ч халуун ду...

Нэгэн энгийн залуу байжээ. Түүнд бусдаас илүү ч юм байхгүй, дутуу ч юм байхгүй зүгээр л жирийн нэгэн залуу. Тэр нэгэн удаа саранд дурлажээ. Сарны гоо үзэсгэлэнд автаж түүнд сэтгэлээ илчилжээ. Үргэлж гоо сайхнаа бусдад гайхуулан явдаг сар өөрт нь  дурласан залуугийн сэтгэлээр  тоглоом хийгээд орхижээ. Хүйтэн хөндий байдлаараа сар залууг шархлуулжээ. Сарнаас болж шархалж уйлж байсан залуу дээр нар иржээ. Дулаанхан халуун илчээрээ залууг аргадаж тайвшруулжээ. Нарны халуун илчинд залуу дасаж наранд дурлаж түүн рүү улам ихээр тэмүүлнэ. Гэвч нар дэндүү халуун гэдгийг мэдэлгүй залуу бүх л биеэрээ гэмтэж хоцорчээ. Гэмтэж шархалсан залуу өөрийгөө харанхуй нүхэнд нуугаад дахиж гэрэлд гарахгүй гэж шийджээ. Олон жилийн дараа харанхуй нүхэнд нь салхи гэгээ татуулан орж ирэв. Зөөлөн бүлээн илчээрээ нарны үлдээсэн шархыг илбэн таалж өгөв. Өдөр бүр салхи залуу дээр ирж хорвоогийн сайн сайхныг ярьж түүнд итгэл өгч шархыг нь илбэсээр... Нэг л өдөр залуу салхигүй байж чадахаа ойлгов. Тэр салхийг...

Нилээн дээр "Нууц"-ын тухай киног нь үзэж, номыг нь уншиж байлаа. Оюун ухаан болон зүрх сэтгэлээсээ хүсч байгаа зүйлдээ 0%-ийн эргэлзээгүй бат итгэвэл тэр зүйл чинь биелэнэ гэсэн утгатай. Манайхны хэлдэг "Их санасан газар есөн шөнө хоосон хононо" гэсэн үг Нууц-н эсрэг юм шиг. Хичнээн их итгэж найдсан ч тэр нь бүтэхгүй бол дээрх хэлцийг хэлдэг шүү дээ. Аан энийг л "Нууцын хүч" гээд байгаа юм байна гэсэн жижигхэн үйл явдал энэ зун болсон юм. Нэг өдөр яаралтай Төрийн банкинд гүйлгээ хийх болоод ойр байгаа салбар дээр нь очсон нилээн их хүн байна шүү. Тасалбар авдаг машинаас нь дугаараа авсан чинь 147 гэсэн дугаар байна. Тэгсэн дараалал дууддаг машин нь 140 дээр явж байхаар нь хүн ихтэй ч гэсэн үйлчлүүлэх хүн нь бага байгаа юм байна гэж бодоод л баярлаад утсаа оролдоод сууж байваа. Тэгээд яг 144 дээр дуудаж байсан нэг жирэмсэн эгч надад дээр ирснээ 2-лаа дугаараа сольчихоё. Хүн хүлээж байгаа юм. Ирж амжихгүй юм шиг байна гээд тасалбараа надад өглөө. Тэр тасалб...

Өөрийн байх ёстой жингээсээ 20 кг-аар илүү таргалчихаж. Булцгар хацар, давхар эрүү, том гэдэс, бүдүүн гуя. Гэхдээ энэ байдалдаа би зовохгүй байна. Харин ч надад зүгээр санагддаг. Энд тэндээс унжих харвин  байхгүй ч гэсэн угийн ясархаг том биетэй хүн чинь улам сүр бараатай болчихсон. Ер нь эрчүүдээс бие хаагаараа илүүрхээд байгаа юм биш үү. Найз бүсгүйчүүд маань нөхрөө тэвэрч унтсанаас чамайг тэвэрч унтвал илүү эрэгтэй хүн шиг санагдаж байна гэж хэлж байна. Урьдны намайг мэдэх хүмүүс одоо хараад бараг ухаан алдаж унах нь холгүй л байна. Зарим мэддэггүй байсан хүмүүс нь залуудаа бөхөөр хичээллэдэг байсан уу гэж ч асууж байна. Гэхдээ би боддог юм. Ээжийн талд Монголын нэг сайхан аварга цолтой бөх хүн байсан юм. Магадгүй би хүүтэй болвол ирээдүйн аваргын ээж болох ч юм бил үү. Энэ том биений хэрэг нь тэр ч юм бил үү. Хэн мэдлээ. Гадаад төрхөнд орсон өөрчлөлтөөс болоод урьдынх шигээ хаа явсан газраа эрэгтэй хүнтэй танилцдаг хөг өнгөрсөн ч энэ нь ч сайн зүйл болсон юм. Зүгээр л миний до...

Муу хүмүүс гэж байдаг болов уу. Надад муу зүйл хийсэн байлаа гэхэд өөр хэн нэгний хувьд сайн хүн байвал яах вэ. Миний хувьд л муу хүмүүс болж үлдэх байх даа. Намайг "ингэж амьдрахаар үхчихдэг ч юм билүү" гэж бодоход бүр үйлдэл хийхэд хүргэсэн миний хувьд муу хүмүүс байсан. Тэр үедээ тийм хүмүүстэй ямар үйлийн үрээр учраад итгэж найдсан тэнэг толгой вэ гэж өөрийгөө харааж зүхэж, өөртөө дургүй хүрч тэднийг үзэн ядах тусам улам л өөрийгөө үзэн ядаж өөртөө дургүй хүрч байлаа. Өөртөө дургүй хүрч өөрийгөө зүхэх тусам л амьдрал утгагүй болж ирээдүй байхгүй ч юм шиг санагдаж байсан тэр үе бол амьдрал ямар хатуу ширүүн байдгийг, өөрийгөө өөрөө л хайрлаж, хамгаалахгүй юм бол хэн ч туслаж чадахгүй гэдгийг яс мах, сэтгэл зүрхээрээ гүн ойлгосон доо. Ядаж байхад би гэдэг хүн өөрийн зовлон гунигаа бусдад дэлгэх дургүй дотроо өөрөө шаналж зовж өөрөө л тэрнээс гарах гарц, шийдлийг олохыг хичээдэг зантай хүн. Гэхдээ л тийм хэцүү үеүдэд хэн ч харахааргүй мэдэгдэхээргүй газар ганцаараа уйлж байс...

Туйлын амар амгалан, аз жаргалтай байсан хэсэг хором миний амьдралд байсан. Толгойд юу ч байхгүй,ямар ч хар, цагаан бодол байхгүй. Зүгээр л маш амар амгалан. Хэнтийд байхдаа тайвширахын тулд өдөр бүр уул талаар явдаг байж дээ. Ууланд гарах эхэндээ хэцүү байдаг ч дараа нь бүр явахгүй бол байж чаддаггүй болчихдог юм билээ. Өдөр бүр явах замаа ихэсгээд л илүү өндөр лүү нь тэмүүлээд л.. Тэгэхэд л уулчидын ууланд авирах сонирхолыг мэдэрсэн дээ. Найз минь хөөрхий надад их санаа зовноо. Мэдэхгүй газар өдөржин тэнээд алга болчихно, төөрчихвий муу хүмүүстэй таараад элдэв янзын юм болчихвий дээ гэж зовноо. Гэхдээ яагаад ч юм бэ надад тийм зүйл болоогүй л дээ. Төөрөхийн зовлон ч байсангүй. Өдөр бүр яваад байхаар газраа их сайн нүдэлдэг болчихно. Нэг удаа өмнөхөөсөө хол явсан юмдаг. Зүгээр л өөрийн эрхгүй дуу аялаад л эргэн тойрон дох байгалын сайхныг биширч бахдаад л явж байлаа. Гэнэт хаанаас ч юм бэ хэзээ ч үнэртэж байгаагүй маш сайхан үнэр үнэртсэн. Ойрхон үнэртээд байгаа хэрнээ яг хаана байгаа...

Урьд нь би өөрийнхөө байгаа байдалд сэтгэл санамжгүй өөрөө өөртөө дургүй байж дээ. Тийм болохоор жилийн жилд хэзээ ч биелүүлж байгаагүй зорилгууд дэвшүүлнэ. Даанч түүнийгээ чин сэтгэлээсээ туйлын ихээр хүсч байгаагүй болохоор хэзээ ч биелүүлж байсангүй. Тэгээд л дараа нь өөрийгөө зүхээд л өөртөө дургүйлхээд  байх ёсгүй газраа байгаад байгаа юм шиг санагддаг байж дээ. Одоогийн байгаа “би”-гээ өөрөө өөртөө хүлээн зөвшөөрөх тийм амар байгаагүй ч эцсийн эцэст хүлээн зөвшөөрөхөөс өөр аргагүй шүүдээ. Ингэж л байж цаашаа явна. Энэ жил өөртөө хийсэн чухал зүйл бол өөрөө өөрийгөө хүлээн зөвшөөрсөн явдал байх. Тийм болоод л юу ч болж байсан амгалан тайван байж чадаж байна. Бас өөрийгөө хянаж сурч байна. Ямар нэгэн эерэг болоод сөрөг нөхцөл байдалд урьдынх шиг сэтгэл хөдлөлөөр хандахгүй зүгээр л энэ бүхэн удаан үргэлжлэхгүй болоод л өнгөрнө гэдгийг мэддэг болчихож. Янз бүрийн мэдрэмжиндээ авталгүй нэг дээшээ, нэг доошоо болохгүй тогтвортой байдлаа удаан хадгалж чадаж байна. Үүнийг л их хүсдэг...

Хэзээ өөрийгөө олох энэ аялал минь дуусах бол... Өөрийгөө хэн болохыг мэдэх гэж оролдсоор, бичсээр байтал 8 жил өнгөрчихөж. Дахиад хэдэн жилийг үдэх бол... Оролдож хичээснийх бүрэн дүүрэн биш гэлээ маш багахан хэмжээгээр өөрийгөө мэддэг болсон байна. Хүн өөрийгөө мэдэх тусам л өрөөл бусдыг мэддэг болчихдог юм шиг санагдаж байна. Тиймээс " чамайг ойлгохгүй, тэрнийг ойлгохгүй байна" гэсэн үгс урсгахаа больчихдог юм байна. Урьд нь "ерөөсөө чамайг ойлгохгүй юм байна" гэсэн үгсийг зөндөө хэлдэг байж. Өөрийгөө ойлгоогүй юм чинь яаж бусдыг ойлгохов дээ. Өөрийнхөө мэдрэмж, юу хүсч байгаагаа мэдэхгүй юм чинь аргагүй шүү дээ. Ямар ч байсан амьдралдаа баримтлаж явах яасан ч зөрчихгүй эвдэхгүй байх хэдхэн зарчим бий. Өөрийгөө мэдэх тусам энэ нэмэгдэх л байх.  Бусад хүмүүсийн хүсдэг тэр нийтлэг мөрөөдөл шиг амьдралаар амьдармааргүй байна. Гэвч эрхэм хүмүүс минь, эргэн тойрон дох нөхцөл байдал тэр л бүх нийтийн сайхан амьдралын мөрөөдөл рүү түлхээд байна. Ганцаараа энэ хэдэн...

Эрэгтэй   хүнийг   арчаагүй   байхад   дургүй .  Тийм болохоороо   ч   тэр   үү   эрэгтэй    дүүгээ   ирээдүйд   нэг  бүсгүйн   сайн   хань ,  аав   байлгахын   тулд   өөртөө зарцуулаагүй   зүйлээ   дүүдээ   зарцуулдаг .  Мэдээж   аав  минь   бол   дүүд   минь     ү лгэр   дуурайлал   өгөх   мундаг   хүн  биш   ч   эрэгтэй   хүн   ар   гэрээ   авч   явах     чадваргүй   бол  яаж   эхнэр   хүүхдээ   зовоодгийг   хангалттай   үзүүлсэн  хүн .    Гэхдээ   аавыгаа   үзэн   ядна   гэж   юу   байхав , хайрладаг .  Ээж   минь   л   ийм   хүнтэй   сууж   насаараа  зовсон   доо   харамсдаг   байх .  Хайрлаж   дурласандаа ...

Санхүүгийн   энэ   хямрал   хэрэглээгээ   зөвөөр   хэмнэхэд  сургаж   байна   даа .  Энэ    хэвээр   байвал   хямрал   дууссан  хойно   хуримтлал   үүсгэж   болох   юм   байна .   Хэрэглэхгүй  байсан   ч   болохоор   зүйлүүдээ   хасч   оронд   нь   хэрэглэж байгаа     зүйлүүдээ   илүү   чанартай   болгоод   өрөнд  орчихгүй   л   амьдарч   байна .  Эмэгтэй   хүн   болохоор  хувцас   хунар ,  гоёл   чимэглэл ,  гоо   сайхны  бүтээгдэхүүнүүд ,   амттан   энэ   тэр   зүйлүүдээсээ   их  хэмнэдэг   юм   байна .  Ингээд   хэмнээд   явсан    чинь    арай   л   тансаг   хэрэггүй   зүйлд   багагүй   мөнгө  зарцуулж   байснаа     ойл...