Тэмдэглэл-91

-
Би нэг гадаад хэлийг үнэхээр чин сэтгэлээсээ  төгс сурахыг хүсч байна. Зүгээр л хэрэгтэй гэдэг утгаар нь биш яг л тэр хэлийг судалж сурч байхдаа өөрийн эрхгүй тэмүүлэлтэй байж өөрийгөө хүчлэхгүйгээр сурах нэгтийм гадаад хэлтэй болмоор байна. Мэдэхгүй  биш ч гэлээ үнэхээр сайн бол мэддэггүй хоёрын хооронд англи хэл, орос хэл, солонгос хэл гэх мэт байна л даа. Цааш нь бүр гүнзгийрүүлээд судалж суръя гэхээр нэг л дур хүсэл төрөхгүй юм. Араас гарч ирж байгаа дүү нар маань гадаад хэлэндээ үнэхээр мундаг байна. Янз бүрийн орны олон олон хэл сурч байна. Сурч байгааг нь харахаар өөрийн эрхгүй атаархмаар эрч хүчтэй, хүсэл эрмэлзэлтэй байх юм. Тэд сурч байгаа гадаад хэлний мэдлэг нь өөрийнх нь хүсэл мөрөөдөлд  нэг алхам ойртуулна гэдгийг мэдэж байгаа нь үнэхээр бахархууштай. Даанч би юунд зориулж сурах вэ гэдэг нь тодорхойгүй болохоор ямар ч хүсэл алга. Нийгмийн шаардлага гэдэг утгаар бас дэлхийн мэдлэг, мэдээллийн ихэнх нь англи хэл дээр болохоор хүссэн хүсээгүй англи хэл мэдэх шаардлага гарч байгаа ч гэсэн англи хэлэнд үнэхээр дургүй. Эсвэл англи хэлийг урам зоригтойгоор судлах өөрийн гэсэн зорилготой болмоор ч юм шиг. 

Comments

Post a Comment

Popular posts from this blog

Энэ бол дурлал биш

-
Image
Цаг хугацаа ч үгүй ээ мөн хурдан өнгөрч байна шүү. Нэг л мэдэхэд орой, нэг л мэдэхэд өглөө. Өдөржин юу  хийгээд байгаагаа  мэдэхгүй байсаар байтал өнгөрчих юм. Унтахаар хэвтэхдээ би өнөөдөр юу хийлээ гээд санах гэхээр юу ч орж ирэхгүй юм. Юу ч бодоод, юу ч хийгээд байгаагаа мэдэхээ больтол  амьсгаа дээгүүр  гүйж байх шиг байна. 7-н сарыг дуустал гүрийчихвэл болмоор байгаа ч бас тэр үед санаснаар болох эсэхийг сайн мэдэхгүй л байна. Миний хувьд төгс дуу гэвэл Харанга-Энэ бол дурлал биш. Дуулалт, дууны үг, ая, клип гээд бүгд үнэхээр зохицсон. Энэ дууг жоохон байхдаа анх сонсоод л дуртай болж билээ. Дуртай болох хамгийн том шалтгаан нь клипэнд нь тоглодог эгч. Юм бичиж байгаа зураглал нь үнэхээр сайхан санагдаж билээ. Ер нь бүгдийг их сайхан тохируулж авсан юм шиг. Өрөөнд орж ирээд суудаг хэсэг, босоод алхдаг хэсэг. Үүнээс илүүгээр яаж байх билээ гэмээр. Дуундаа үнэхээр зохицсон. Хэрвээ өөрийгөө илэрхийлэх дууг сонго гэвэл би энэ дууг л сонгоно. Уучлаарай би хүн боло...
Read more

Баяртай хайрт минь

-
Хүлээлт. Хэн нэгэн хүнийг өөр дээр нь ирнэ, өөрийг нь хайрладаг гэж итгэн хүлээх. Үнэхээр ирж чадахгүй байсан юм бол анхнаасаа миний анхаарлыг татаж өөртөө сайн болгох хэрэггүй байсан юм. Зүгээр л хажуугаар минь тэр үед өнгөрсөн бол би өнөөдөр ингэж зовохгүй байлаа.  8 жил чамайг сэтгэлдээ тээж, санаж, зүүдэлж, уулзмаар санагдаж, тэвэрмээр, үнсмээр, хайртай гэдгээ хэлмээр байсан боловч эмэгтэй хүний бардам зандаа дийлэгдэн чиний төлөө би юу ч хийж чадаагүй. Чамайг намайг хайрладаг гэдэгт итгэж байсан болохоор зүгээр л уулзах өдрөө хүлээж байлаа. Энэ 8-н жилд хэнтэй ч болзолгүй, эрчүүдээс өөрийгөө тусгаарлаж ирсэн, угаасаа чи л биш бол өөр хэн нэгэн хэрэггүй байсан юм. Гэвч чамайг өөр бүсгүйтэй инээгээд жаргалтай байхыг харах- энэ яг л зүүд мэт. Би зүүднээсээ сэрж чадахгүй байгаа мэт зовлонтой байна. Чамайг өөр хэн нэгний дэргэд байхыг харах зүгээр л нулимс урсаад байна. Дахиад л чи намайг уйлуулчихлаа. Энэ өвдөлтийг үгээр илэрхийлэх аргагүй юм. Хүлээх хүлээлснээс мултарсан би. Э...
Read more

Тэмдэглэл-157

-
Image
Зүүдэндээ л амьдармаар. Зүүдэндээ л бодит ертөнцөөс илүү адал явдалтай, аз жаргалтай, хамаагүй эрх чөлөөтэй байх юм. Өглөө сэрэх болгондоо зүүд байсанд нь харамсавч орой унтах бүрийдээ юу зүүдлэх бол гэдэг нь сонирхолтой байх юм даа. Гэхдээ бодит ертөнц маань зүүдний ертөнцөөс минь илүү байсан бол ингэтлээ нойрмог байхгүйсэн. Саяхан Агуу Гэтсби-г үзлээ. Урьд нь яагаад ч юм бэ номыг унших киног нь үзэх сонирхол төрдөггүй байлаа. Номыг нь уншаагүй болоод ч тэр үү кино нь л лав дажгүй л санагдлаа. Leonardo их сайн тоглосон байна лээ. Өөрөөсөө илүү өөр хүнийг хайрлах нь ямар хүнд хэцүү вэ гэдгийг их сайн харуулсан юм шиг. Нэг талын иймэрхүү хайрыг ихэвчлэн эмэгтэйчүүд гаргадаг болохоор эрэгтэй хүний сэтгэлийг харах их сонирхолтой юм. Гэхдээ энэ бол зөвхөн уран зохиол дээр л байх зүйл л дээ. Бодит амьдрал дээр Гэтсби шиг  эрчүүд ховор байх. Хамтдаа байсан жижигхэн аз жаргалтай дурсамжаа бодон олон жил нэг л хүнийг чин сэтгэлээсээ хайрлаж, тэр хайртай хүнээ өөрийн болгохын ...
Read more