Би чамд хайртай. Маш их хайртай. Үргэлж чамайг хайрлах болноо.

Орой бүр гэр лүүгээ харих замдаа Улаанбаатарын утаат өвлийн тэнгэрээс харагдахгүй их оддыг ширтсээр гэртээ ордог. Энэ байшингаа би бусдаас зөрүүдлэн авсан учир нь шөнө ирж үзсэнтэй холбоотой байх. Өвлийн шөнийн тэнгэрт гялалзах их одод үзэсгэлэнтэй харагдаж би энд л амьдармаар байна гэж өөртөө хэлсэн. Бас салхитай хөндий гэж нэрлэгддэг шигээ их салхитай газар. Салхинд зогсох дуртай надад тохирсон газар. Эзэнгүй айлууд их байдаг болохоор амар амгалан. Утаагүй цэвэр агаартай нь сайхан. Хот манай гэрээс бол сайхан харагдана. Утаа бүрхсэн хотын гэрлүүд холоос их үзэсгэлэнтэй харагддаг. Зурж чаддаг бол зурахсан. Нэг гэм нь даанч хол л доо. Ажил гэр хоёрын хооронд өдөрт 4 цаг зарцуулна шүүдээ. Эхэндээ хэцүү байсан ч одоо бүүр дасаад хол санагдахаа ч больчихож. Оддыг ширтэх тоолонд би энэ газрын биш тэр дээр байх газрын хүн юм шиг мэдрэмж үргэлж л төрдөг. Хэзээд арилахгүй. Өчигдөр яг л мэдрэгдсэн мэдрэмж өнөө орой оддыг харахад дахиад л мэдрэгдэнэ. Тэргэл сартай шөнө бол бүүр гоё. Сар орчин т...

Заримдаа хичнээн хичээж мэрийж тэмцсэн ч нэг л болдоггүй, үр дүнгүй хий дэмий өөрийнхөө эрч хүчийг алдахаас өөр юмгүй тийм цаг үе байдаг. Тийм цаг үед хичээж тэмцэхээс илүү тэр үеийг дуусахыг тэвчээртэйгээр хүлээх нь илүү дээр байдаг. Яаж ийгээд тэр үеэ тэвчээд гарчихвал нөгөө бүтэхгүй болохгүй байсан зүйлс аяндаа л өөрөө бүтээд эхэлдэг. Аливаа зүйлд өөр өөрийн гэсэн цаг хугацаа байдаг юм шиг. Болох зүйл болох цагтаа л болдог гэж боддог. Тэрнээс нь өмнө яагаад ч болдоггүй. Гэхдээ болох ёстой тэр үеийг нь алдчихвал дахиж иртэл нь нилээн удаан хүлээх хэрэг гарна. 2016 он миний хувьд арай л ширүүн эхлээд байх шиг санагдаад байна. Бодож төлөвлөсөн зүйл хойшлоод байгаад жаахан урамгүй л байна. Бас бус муу зүйлс тохиолдоод дээр нь нэг л эрч хүчгүй сулбагар яваад байна. Ойрд номын дэлгүүр орж шинэ ном авсангүй. Сэтгэл зүрх, оюун ухааныг минь  салхи шиг нээх сайхан цэлмүүлээд өгөх ном олж авахсан. Тэгвэл арай л дээр болох байх. Надад заяасан авъяас, чадваруудыг би ерөөсөө өөрийн хүсэлгүй...

Өмнө ч тэр одоо ч тэр би эрэгтэй хүнээс илүү эмэгтэй хүнийг харах дуртай. Эмэгтэйчүүддээ их хайртай. Болж өгвөл бүгдээрээ л жаргалтай байгаасай гэж хүснэ. Эмэгтэй хүнтэй хэрэлдэж муудалцаж чаддаггүй мөртөө эрэгтэй хүнтэй зодолдож ч чадна. Миний өрсөлдөгч эмэгтэй хүн байвал би зүгээр  л буугаад өгчихдөг. Харин эрэгтэй хүн байвал ямар ч хамаагүй аргаар ялахыг хүснэ. Ялагдчихвал уур хүрч өөр аргаар заавал хариугаа авахыг хүсдэг. Гэхдээ одоо энэ мэдрэмжээ дарж байгаа. Эрэгтэй найзууд минь намайг "Эрэгтэй хүн шиг эмэгтэй найз" гэж дууддаг. Сайхан залуугаас илүү сайхан бүсгүйг би харах дуртай.  Яг л эрэгтэй хүн шиг 2-р сувгийн юм боддог. Уруулыг нь үнсэхийг хүсдэг, гарнаас барихыг хүсдэг, хөхийг нь илэхийг хүсдэг. Хөнжилдөө ямархуу бол гэж төсөөлнө. Үргэлж л иймэрхүү зүйлс төсөөлдөг байсан болохоороо өөрийгөө ижил хүйстэн байхаа гэж боддог байсан боловч үнэндээ бэлгийн чиг хандлага маань 100% эсрэг хүйстэнээ сонирхдогоо мэдсэн. 2,3 удаа ч эмэгтэй хүнтэй үнсэлцэж үзсэн боловч үнэхээ...

Надад эрэгтэй хүн ийм ийм байвал таалагдана гэсэн жагсаалт ч юмуу тиймэрхүү зүйл байдаггүй байлаа. Тийм нүдтэй, тийм биетэй, тийм тийм зан араншинтай, тийм үзэлтэй гэх ч юмуу эмэгтэйчүүдэд өөрсдийнх нь сонирхдог эрчүүдийн жагсаалт  байдаг шүү дээ. Харин надад эрчүүдийн тэр зүйлс нь таалагддаг гээд оноод хэлчихмээр юм байдаггүй байлаа. Найзууд чи яг ямар эрэгтэй сонирхдог юм бэ, ямар эрэгтэй чамд таалагдах юм бэ гэж их асууна. Тэрэнд шууд хариулчих хариулт надад байдаггүй байлаа. Тухай хүнээсээ л шалтгаалаад юу ч таалагдаж болно бас болохгүй байдаг байсан юм. Нилээн удаан өөрийнхөө юунд дуртай яавал эрэгтэй хүнийг хайрласаар л байж чадах бол гэж их эргэцүүлсэний эцэст  Нүдний шил зүүгээд ном уншаад буйдан дээр хэвтэж байхдаа тачаангуй харагддаг залуу.   Дисконы гэрлийн дор намайг өдөж надтай бүжиглэдэг залуу Дасгал хийх дуртай хөлснийх нь үнэр намайг өдөөдөг залуу. Найзуудтайгаа нийлж наргихаараа намайг ирж аваач гэж ярьдаг залуу.  Сайхан бүсгүйчүүдийг...

"Хүний энэрэнгүй зөөлөн өрөвч сэтгэл гэдэг гэдсээ цадтал идчихээд үлдэгдэл хоолоо золбин нохойд өгөхийг хэлдэггүй юм. Өөрийн чинь гэдэс өлсөж байсан ч олдсон үмх хоолоо золбин нохойтой хувааж идэх сэтгэл байвал тэр нь энэрэнгүй өрөвч зөөлөн сэтгэл юм" гэсэн нэг ишлэл байдаг даа. Яг сайн санахгүй байгаа ч иймэрхүү л утга илэрхийлсэн байсан шиг санаж байна. Энэ ишлэлийг бодохоор би үнэхээр өрөвч зөөлөн энэрэнгүй хүн биш бололтой гэсэн бодол орж ирдэг. Гэдэс минь өлсөөд байвал ямар ч хамаагүй аргаар хоол олж идэхийг хүснэ. Арайхийж олсон хоолоо бусадтай хуваалцана гэдэг даанч шудрага бус юм шиг санагдана. Амьдарахын тулд өчүүхэн өл дарах хоолоо хэн ч хуваалцахыг хүсэхгүй. Хайртай хүн чинь биш л бол.. Хайртай хүмүүстэйгээ хуваалцах бол эн тэцүүхэн хуваагаад л жоохон юм идчихнэ. Харин огтоосоо таньж мэдэхгүй хөндлөнгийн хүний хувьд тэрний өлсөнө үү, үхнэ үү огтхон ч падлийгүй. Ингээд бодохоор хүн гэдэг муухай амьтан юмдаа, тэр муухайнуудын нэг нь би гэж бодогдоно. Өөрийгөө сайн  с...

Хөдөөнөөс хүүхдээ эмчлүүлэх гэж ирсэн хамаатантайгаа цуг цусны шинжилгээ өгөхээр нэг хувийн лабораторид очив оо. Тэр нь дотроо эхо, эмэгтэйчүүдийн эмнэлэгтэй байсан юм. Биднийг очиход хүн байхгүй би үүдэнд нь ганцаараа хүлээгээд зогсож байлаа. Тэгсэн нэг жоохон хүүхэд, настай эгч, дунд эргэм насны эгч гээд 3 хүн орж ирээд эхо-д нь нөгөө жоохон охиноо үзүүлэхээр боловоо. Хэрэгт дурлаад хартал нөгөө жоохон охин жирэмсэн. Хөөрхий тэр настай эгч ээж нь ч юмуу эмээ нь ч юмуу ямар ч л байсан асран хамгаалагч нь бололтой. Ярианаас үзэхэд хот орж ирээд удаагүй байгаа нөхдүүд юм шиг байгаан. Нөгөө жоохноогоо ганцааранг нь нутагтаа хамаатан садан ч юмуу нэг айлд үлдээчихээд авчирсан юм байх. Тэгсэн ирээд удаагүй байтал нь гэдэс нь нэг л томроод яагаад томроод байгааг нь үзүүлэх санаатай иржээ. Мэдээж эхоны эмч жирэмсэн байна гэдгийг нь хэлсэн. Нилээд том болчихсон үр хөндүүлэх аргагүй их эрсдэлтэй гэдгийг нь хэлээд өөрөө бол хийж чадахгүйгээ бас хэллээ. Үүдний өрөөнд ганцаараа сууж байсан болохо...

Эмэгтэй хүн бүрт үлгэр дуурайл авдаг тийм л бүсгүй болох юмсан гэж бодож дотроо хичээж явдаг эмэгтэй байдаг байх. Миний хувьд SEX AND CITY  цувралын SAMANTA бол миний дуртай дүр. Түүний эмэгтэйлэг, тачаангуй, сээтэгнүүр, шудрага, ажил хэрэгч, донжтой,өөрөө өөртөө сэтгэл хангалуун байж өөрийнхөөрөө асуудлаа шийддэг, биеэ даасан, өнгөрсөнтэйгээ зууралддаггүй, шинэ соргог зүйлсийг туршихаас айдаггүй зан чанарууд нь их таалагддаг. Мэдээж сексийн амьдрал нь жоохон замбараагүй л дээ. Магадгүй эрх чөлөөнд их дуртай болохоор өөрөө зөвхөн өөртөө л хамаатай болохоор энэ нь нээх асуудал болохгүй дүр. Мэдээж надад байдаггүй байлгахыг хүссэн зан чанар Самантад байдаг болохоор би дуртай.  Өчигдөр нэг эрэгтэй хүнээс их гоё үг сонслоо." Яагаад ч юм бэ чамайг санаад байх юм. Үнэн шүү" гэж хэлэхэд нь зүрх догдолсон гэж худлаа ярихгүй ч таатай санагдсан. Миний сонирхдог биш зүгээр л танил хүн хэлсэн болохоор догдлоогүй байх. Эмэгтэй хүн болохоороо ямар ч эрэгтэй хүнээс сэтгэл татагдахгүй бай...

Урьд нь энэ амьдралаа ганц биеэр туулна гээд шийдчихсэн түүндээ бүр итгэчихсэн өөрөө өөртэйгээ цагийг зугаатай өнгөрүүлээд сурчихсан, хайр дурлалын харилцаагаа гүнзгийрүүлдэггүй, өөрт минь хэтэрхий сайн болохоос өмнө харьцаагаа тасладаг урт хугацааны харилцаанаас зайлсхийдэг байлаа. Гэвч нэг л орой энэ итгэл алга болчихсон юм. 2014 оны 12р сарын нэг өдөр урьд нь хэзээ ч мэдэрч байгаагүй ганцаардлыг мэдэрч хоолой минь зангираад золтой л уйлчихаагүй. Нэг үйл явдлаас болоод ганцаараа хөгширсөн өөрийгөө төсөөлсөн чинь муур нохойгоор хань хийсэн ганцаардмал эмгэн л сэтгэлд бууж билээ. 80 настай би одоогийн өөрийгөө зэмлээд харамсаад сууж байх вий гэхээс айсан. Гэвч хажуугаар нь бас олон жил итгэж ирсэн итгэлээ иймхэн зүйлийн төлөө алдахгүй байх хэрэгтэй ш дээ. Гадаад улс оронд ганцаараа ч гэсэн сайхан амьдарч байгаа хөгшчүүл байгаа шүү дээ гэсэн бодол орж ирнэ. Өөртөө л арчаатай байвал 80 хүрсэн ч эрүүл саруул хөнгөн шингэн 60тай юм шиг харагдах бүрэн боломж байгаа шүү дээ гэж бодол орж ирн...