Би чамд хайртай. Маш их хайртай. Үргэлж чамайг хайрлах болноо.

Ходоод өвдөх ч бас хэцүү юм байнаа. Одоо гурилан бүтээгдэхүүн идэхээ болихоос. Гурил орсон юм идчихээр л цээж хорсоод байна. Эмнэлэгт үзүүлж эмчлүүлэх шаардлагагүй гэж үзэж байгаа болохоор харин оронд нь өвчнөө далимдуулан хоолоо багасгаж жоохон ч гэсэн турахаар шийдсэн. 13 хоногийн турш хоолны дэглэм барьсан чинь 3,5кг хассан байна. Өдөрт 270гр гэсэн үг. Гэхдээ би ч нээх дасгал хөдөлгөөн хийхгүй байгаа л даа. Заримдаа гадуур хөөцөлдөх ажил ихтэй үед түгжирч байхаар гээд алхаад алхаад явчихдаг юм. Иймэрхүү үед харин тамирдах шинжтэй шүү. Тэгэхээр нэмэлтээр витаминууд уусан нь дээр юм байна гэж бодож байна. Эмэгтэй хүмүүс гоо сайхны бүтээгдэхүүн авахдаа өөрөөсөө харамлалгүй гар таталгүй чанартайг нь хэрэглэж байх ёстойг ухаарлаа.  Уул нь үнэтэй юм авсан ч арьсанд тохирохгүй болохоор хэрэглэж чадалгүй өөр хүмүүст өгчихдөг гол харламаар зүйлс зөндөө тохиолдож байсан болохоор сүүлийн хоёр жил гаруй хугацаанд хямдхан мөртөө чанартай бүтээгдэхүүн авахыг эрмэлздэг болсон. Тэгээд л гайг...

Сүүлийн үед ходоод өвдөөд цээж хорсоод байхаар нь өнгөрсөн 7 хоногт хоолны дэглэм барихаар шийдлээ. Хүн жингээ хасахад хоол 80%, хөдөлгөөн 20% -н нөлөөтэй гэж зөндөө уншиж байсан болохоор далимаар нь баталмаар санагдсан юм. Даваа гаригт мацаг барьж түнээс хойш өглөө болон өдөр л урьдных шигээ идэж уугаад орой хоол идэхгүй дундуур нь иддэг амны зугаа болсон элдэв амттан ундаа огт хэрэглэлгүй яг л өмнөх шигээ хөдөлгөөнтэй байж 7 хоногийг өнгөрүүлсэний дараа өнөө өглөө жингээ үзэхэд 2 кг хассан байна. Амьдралдаа анх удаа л 7 хоногийн турш бүтэн өдөржин 2л ногоон цай ууж үзлээ. Өлсөхөөрөө л өлөө дарахын тулд ногоон цай ууж байв. Мэдээж над шиг хоолны асар их дуршилтай хүнд эхэндээ хэцүү байсан. Толгой өвдөөд л идмээр санагдаад л. Гэхдээ тэвчээр алдраад жоохон идчихээр тэгэхээс тэгэх гэсэн шиг цээж хорсоод байсан болохоор сүүлдээ больсон л доо. Урьд нь халаасандаа мөнгө л байвал янз бүрийн юм идээд мөнгө тэсгээдэггүй байсан бол өнгөрсөн 7 хоногт нэг ч төгрөг үрэгдсэнгүй. Гэхдэ...

Агаар салхинд гарч уул хаданд авихааар нөгөө хийморь лундаа сэргэнэ гэдэг шиг л тайвширч амар амгаланг мэдэрч эрч хүчээр цэнэглэгдэх юм даа. Өндрөөс тэртээх алсын барааг ширтэж, салхины сэвшээг мэдэрч, моддын сэрчигнээг сонсож, түг түг түг гээд түргэн цохилох зүрхнийхээ цохилтыг мэдэрч зогсох бас л маш сайхан мэдрэмж шүү. Цаг хугацааг зогсоомоор. Нэгхэсэгтээ л тэр л агшинд баймаар. Ойн дунд байхаар нэг л нууцлаг тайлагдашгүй зүйлс хүлээж байгаа мэт, дуудаад байгаа мэт санагдах юм. Хээрээр гэр хийж хэцээр дэр хийж явах хүсэл асар их төрөх юмдаа. Зүгээр л үүргэвчээ үүрээд хаашаа ч хамаагүй харсан зүг рүү гээ л яваад л баймаар санагдах боловч даанч одоогоор тэгж чадахгүй байгаа нь хэцүү юмдаа. Энэ амралтын өдрүүдээр хамаатны эгчдээ тусалж мод тарьж өгсөн чинь сайхан байсан шүү. Газар ухаж ус зөөж нилээн ядарсан ч ядарсан шинжгүй үнэхээр цоглог байлаа. Яах аргагүй миний хийх ёстой зүйл бол ургамал ногоо мод цэцэгс тарьж ургуулах юм байна гэдгээ улам л мэдэрлээ. Саяхан нетээс...

Хүн бичнээс үүссэн гэх хувьслын онолд би лав итгэдэггүй хүн. Бич хүнтэй олон зүйлээрээ маш төстэй амьтан боловч бич бидний өвөг гэдэгт яагаад ч итгэдэггүй. Мэдээж өнөөгийн энэ дүр төрх, оюун ухаант, ухамсарт амьтан болоход хэдэн мянган жилийн хувьсал нөлөөлсөн ч гэлээ бичтэй төстэй байсан байж болох ч  яг бичнээс үүссэн гэдэгт би лав итгэдэггүй. Хувьсал гэдэг зүйл өөрөө маш сонирхолтой шүү. Хүн төрөлхтөн 1000 жилийн дараа ямар харагдах бол. Яг одооных шигээ байх уу эсвэл өөрчлөгдсөн байх болов уу. Ирээдүйн хүн төрөлхтөний амьдралын тухай бодохоор үнэхээр сонирхолтой байдаг. Өнөөдрийн энэ хүрээлэн буй орчин,  идэж ууж байгаа зүйлс минь, өмсөж зүүж хэрэглэх байгаа бүхэн минь, амьдарч байгаа газар минь ирээдүйд хэрхэн өөрчлөгдөх бол. Зарим нь байхгүй болж, одоогоор төсөөлж ч чадахгүй байгаа зүйлс шинээр нэмэгдэж, ямар соёл иргэншилтэй болох бол, ямар улс төрийн бодлоготой болох бол, ямар хууль дүрэм журамтай болох бол юуг шүтэх бол шашин гэдэг байсаар байх уу, урлаг ...